Новиот оперативен систем на Microsoft, Windows 7, е довршен, т.е. ја достигна RTM верзијата, која сега се испраќа на производителите на компјутери и софтвери, исто така и на партнерите на Microsoft, поради тестирање и за изработка на управувачки програми.Кога некој софтверски производ ќе ја достигне RTM верзијата (Release to Manufacturing), тоа всушност значи дека е финализиран. Windows 7 сеуште не можете да го купите, но RTM верзијата се испраќа на партнерите на Microsoft кои во следните неколку месеци внимателно ќе ја тестираат новата верзија на своите производи, како би биле компатибилни со новиот Windows. Да се потсетиме, кога се појави Vista-та на пазарот, тоа и не функционираше баш најдобро, така да се надеваме дека овој пат резултатите ќе бидат подобри.
Секако, верзијата Windows која е официјално означена како RTM, со целосно име Windows 7 7600.16385, веќе ги преплави пиратските страници, но вистинската, легална и официјална финална верзија ќе се појави на пазарот дури на 22 октомври оваа година.
Сподели [ 23-07-2009 ]
