Компанијата Apple вчера и официјално го пушти во дистрибуција iPhone OS 3.0 за iPhone и iPod Touch уредите. Како што веќе е познато, оваа поголема надградба на оперативниот систем носи бројни новости, меѓу кои е поддршката за landscape преглед, MMS, пребарување Spotlight и можноста за cut, copy & paste.
Тука се и новата апликација Voice Memos, унапреден Safari, можност за Internet tethering, односно делење на интернет конекцијата со лаптоп компјутер, поддршка за стерео Bluetooth, можност за синхронизирање белешки, опцијата shake to shuffle за слушање музика и многу други новини.
Надградбата, како и досега е достапна преку iTunes. За сопствениците на iPhone новата верзија на софтверот е бесплатна, додека корисниците на iPod Touch треба да платат 9,95 американски долари.
