Според резултатите од истражувањето на ComScore, неодамна претставениот пребарувач Bing и понатаму бележи раст во бројот на корисниците.Новиот пребарувач на Microsoft за само две недели го зголеми уделот на компанијата на пазарот за интернет пребарувачи за околу 3%. Иако ова е повеќе од солидна бројка, најпопуларен пребарувач во светот (далеку пред другите) и понатаму останува Google.
Популарноста на Bing на американскиот пазар се искачи на 12.1% во периодот 8 до 12 јуни, што е солидно зголемување во однос на првите пет дена во јуни кога изнесуваше 11.3% - односно скромни 9.1% пред Microsoft да го презентира својот нов пребарувач, за време на постоењето на Live.
Како ќе се одвиваат работите понатаму зависи исклучиво од корисниците, кои треба да одлучат дали ќе го прифатата Bing за нивен почетен пребарувач, или повторно ќе се вратат на стариот добар Google.
