Екипа на Брза помош на аукција

Екипа на Брза помош од градската болница во Изернија, на југ во Италија, поради протести заради лошите услови на работа се стави самата себеси на аукциска продажба на Интернет.

Претходните денови лекари и техничари од брзата помош протестираа низ улиците во градот поради лошата организација на работата во болницата.

Незадоволни од одзивот на протестите, се одлучиле на поставување оглас на Ebay: Екипа на Брза помош на Изернија (еден примариус, шест лекари, 14 медицински сестри и шест техничари) огорчени и под постојан стрес поради катастрофалното управување со болницата, се нуди за работа во нормални услови. Трошоците за шпедиција ќе ги подмириме сами“.

Досега добиле девет понуди.