Поради финансиската криза Валенсија сепак ќе биде приморана во следниот преоден рок да ги продаде двајцата најдобри фудбалери, репрезентативците на Шпанија, Давид Виља и Давид Силва. "Нашите навивачи знаат дека дадовме се од себе за да не се разделиме со Виља и Силва. Меѓутоа, со оглед дека се наоѓаме во финансиски проблеми приморани сме на ваков потег бидејќи загрозена е иднината на клубот - изјавил Фернандо Гомез, спортскиот директор на Валенсија.
Гомес напоменал дека Виља и Силва ќе се преселат во клубовите кои ќе понудат најмногу за нивните услуги, со што е отворена своевидна аукција.
