Apple го купува Twitter

Apple би можел да го купи се попопуларниот интернет сервис Twitter, а со сигурност ќе стане сопственик на дигиталните медијски блогови TechCrunch и Valleywag, објавија светските медиуми.

Apple наводно е подготвен за Twitter да издвои 700 милиони американски долари, што е за 200 милиони повеќе од минатогодишната понуда на Facebook за купување на Twitter. Минатогодишните преговори пропаднаа откако сопствениците на Twitter открија дека Facebook не вреди толку колку што тврди.

Откако Twitter го одби Facebook, сопствениците на се популарниот сервис соопштија дека сакаат да останат независни и да го прошират својот сервис.

Досега Microsoft и Google се јавуваа како можни купувачи на Twitter.

Apple наводно е заинтересира за купување на Twitter поради можноста за поврзување со iPhone. Бројните апликации, вклучувајќи ја и Tweetie која луѓето ја користат за "твитање“ на своите блогови му носат многу пари на Apple.

Експертите велат дека не станува збор за големо преземање, туку повеќе симболично, со оглед на тоа што Twitter допрва ќе оствари голем профит.