Amazon го претстави Kindle DX

Amazon го претстави својот нов читач на електронски книги Kindle DX, кој е понапреден и поголем од претходната верзија и е приспособен за читање на е-весници.

Новиот уред доаѓа со поголем, 9.7-инчен екран и има околу 3.3 GB простор за зачувување податоци, а како што велат од Amazon, тоа е доволно за да се зачуваат околу 3,5 илјади книги.

Од интересните опции вреди да се издвои поддршката за PDF, како и можноста за читање содржини и во portrait и во landscape мод. Паралелно со издавањето на новата верзија, Amazon потпиша договори и со некои издавачи кои книгите во иднина ќе ги издава и во дигитален формат. Компанијата исто така потпиша договор и со неколку издавачи на весници, па така сопствениците на Kindle DX ќе можат да ги читаат New York Times и Washington Post, секако со месечна претплати од 489 американски долари.