Ова футуристичко возило настанало од почетната идеја на Колумбиецот Tovar и е придвижувано од електромотор сместен непосредно зад кабината.
Автомобилчето овозможува панорамски поглед, благодарение на стаклениот покрив и страничните отвори. Засега нема никакви службени технички податоци нити информации дали овој концепт ќе тргне во производство.
На своето годишно натпреварување, Peugeot ангажираше ученици на дизајн да го смислат изгледот на автомобил Peugeot кој ќе се користи во големите градски центри во иднината. Од дури 2500 предлози, избрани се десет финалисти во минатиот декември по пат на гласање преку интернет. Сепак недостатокот на технички информации не значи дека не треба да му се восхитуваме на прекрасниот дизајн на овој футуристички концепт.
