Њујорк под сајбер опсада

Хакери од целиот свет се обидуваат да влезат во компјутерската мрежа на полицијата на Њујорк, изјави портпаролот на полицијата Рејмонд Кели. Њујорчаните се прилично загрижени поради потенцијален терористички напад.

Според портпаролот на полицијата на Њујорк, дневно се бележат и по 70.000 обиди за неавторизиран упад во системот. Посебно голем број од обидите доаѓаат од Кина, но тоа не значи дека потенцијални прекршители се Кинезите, туку дека се користат сервери од Кина.