Мајкрософт во минус прв пат откако постои

СИЕТЛ, 25 април (АП) - Водечкиот светски производител на програмска опрема Мајкрософт за прв пат во своето 23-годишно постоење објави пад на приходите и драматично намалување на профитот.

Добивката на Мајкрософт од јануари до март годинава паднала за 32 проценти на 2,98 милијарди долари, во однос на истиот период лани кога профитот изнесувал 4,39 милијарди долари.
Мајкрософт во последниот квартал забележа намалување на приходите од продажба за шест отсто во однос на истиот период лани на 13,6 милијарди долари.
Главна причина за првите негативни резултати во историјата на Мајкрософт е глобалната криза, со која се намали и продажбата на компјутери и програмска опрема.
Компанијата најави прво масовно отпуштање со укинување на пет илјади работни места.