Преку Google Talk услугата се шири вирус кој може сериозно да ја наруши приватноста на корисниците.
Вирусот се шири со праќање на пораката 'Hey check out this video! http://tinyurl.com/xyz'. Пораката обично доаѓа од познати корисници, па многумина од корисниците наседнаа на оваа финта и отидоа на дадената адреса, каде им било побарано да го внесат корисничкото име и лозинката за пристап на својот Google Talk, а се со цел за да го погледнат спомнатото видео.
Многумина ги впишале бараните податоци (додека има овци, ќе има и волна) па така им е грабнат корисничкиот профил за Google Talk. Наводно, веќе е пронајден и виновникот за изработката на овој вирус/црв, името му е Хоан Тон-Тат и живее во Сан Франциско. Сеуште не се знае какви последици го очекуваат.
