Во Мармарис падна снег првпат по 22 години

Во турскиот туристички центар Мармарис падна снег за првпат по 22 години. Температурата во градот е три степени Целзиусови, а дебелината на снегот е пет сантиметри, јавија турски медиуми. Последен пат снег во Мармарис паѓал во февруари 1987 година. Во Истанбул во изминатото деноноќие паѓаше снег додека во Источна и Југоисточна Анадолија поради снегот блокирани се стотици патишта.